Инкуазь суредъёс

Пӧсь куазьлэсь умойзэ но шедьтыны луэ. Умой будыны кутскизы куд-ог бакча сиёнъёс. Татчыозь соос потэмын кадь асьсэос, но будыны кужымзы уг тырмы вал. Кинъёс ке чырс узы-боры бичаса тырмытӥзы ни. Нош али турын пӧлысь шунды шорын узы туж ческыт луыса кисьмамын. Со сьоры вуыса мынэ боры. Сяськаос нош, сяськаос... Кыӵеез гинэ ӧвӧл. Легиськыны дӥсьтонтэм клевер зарезе но сюриськиз. Клеверлэн лемлет сяськаосыз чорк-чорк сыло. Тӧдьы сяськаёзэ но пумитай. Со ӝужытгес будэ вылэм. Бусы трос кизем кадь ромашка. Тӧдьыез, ӵужез, эмъюмлы мынӥсез но трос. Кӧня ке час шунды шорын ветлыса, каньсырай, йыры но поромыны кутскиз. Эх, зымы вал соку ик тыметэ. Ӧвӧл. Бадӟым шур, тымет, ты дурын улӥсьёслы таӵе дыръя вожъяськисько. Яке мед зороз вал. Вылам ик. Но зоръёс али малы ке милесьтым палэнтӥгес ортчо.