-17 °С
Салкым
Антитеррор
Вань иворъёс
Пӧртэм-пӧртэм
1 Июне , 10:10

Мылкыд кыре куриське

Инкуазь адямиез адскисьтэм кужыменыз бордаз кыске, лулпушез узырмытэ.

Мылкыд кыре куриське
Мылкыд кыре куриське

Гужем мынам мылкыды ӵем кыре куриське. Нюлэсъёстӥ, паськытэсь лудъёстӥ калгыса шутэтскисько, выль кылбур чуръёсы но кылдо. Жаляса верано, трос дыръя, ужъёсын сэрен, инкуазьлэсь чеберзэ эскерыны, чакланы но ум вуиське.

Инвожо: музъемез шуныт «шобыртэ». Тулкым выллем веттасько ӟег, йыды бусыос. Кыдёкын чагыр тусъем етин бусы адӟиське. Пӧртэм-пӧртэм тусо сяськаосын пишто лудъёс. Омыре турын зын «пыӵамын».

Вамышъясько Танып шур дуртӥ. Пальпотыса выллем монэ пумитало тӧдьы но ӵуж вусяськаос. Тодэ лыкто М. М. Пришвинлэн чуръёсыз: «Начинается бал на реке».

Инвожо толэзе котькыӵе буёлъёсты адӟыны луэ. Котькуд тус бордын – чыдонтэм чеберлык! Вож тус гинэ, кылсярысь, кӧня пӧртэм луэ! Соин, лэся, та толэзь калыкын «разноцвет» шуыса вӧлмемын на.

Гужемлэн нырысетӥ толэзез паймымон чеберлыкеныз, шулдырлыкеныз сяна, узыр кузьыменыз но бордаз кыске. Шуныт зор ортчиз. Кызьпку улын йырзэс мыӵо нырысетӥ губиос. Омырын губи зын лӧсъяське. Узы кисьма. «Басьты, си монэ», - шуо кадь вож турын пӧлын горд-горд кисьмам емышъёс. Нош тылобурдоос? Кылын гинэ вералод шат соослэсь шулдыр чирдэмзэс? Витьымтэ шорысь уӵы «кырӟаны» кутскиз. Кематэк вӧзаз вуиз парез. «Кисьто» ук кыкназы яратон гурзэс! Шулдыр, каньыл гужем нюлэскын!

 

Мылкыд кыре куриське
Мылкыд кыре куриське
Мылкыд кыре куриське
Автор:Миляуша Булатова
Читайте нас в