-3 °С
Салкым
Антитеррор
Вань иворъёс
Пӧртэм-пӧртэм
20 куартолэзе 2022, 10:00

Тальянкалы сӥзем памятник

Янаулысь арганлы сӥзем памятникез адӟыны луэ.

Тальянкалы сӥзем памятник
Тальянкалы сӥзем памятник

Пичи тальянка шутэтскон но культура паркез 2013-тӥ арысен ни шулдыртэ. Памят­ник, кытын арфа но со вылын тальянка сылэ, фибробетон­лэсь быдэстэмын. Со «Монга бай гармун байрамы» арлы быдэ татын ортчись респу­блика арган праздниклэн тодметпусэз луэ. Та крезь­гуро ӵошатсконэ Янаулэ быдэс республикаысьтымы но бускель регионъёсысь трос усто арганчиос вуо.

Пусъёно, Россиын ни­мысьтыз крезьгуро инстру­ментъёслы пуктэм памят­никъёс трос ӧвӧл. Озьыен, арган пыраклы вунонтэм кельтэмын Иваново городын. Татчы та крезьгуро инстру­ментэз лэсьтонъя фабрика интыяськемын. Со сяна, Во­ронеж улосвылысь Богучар городын барабанлы, трубалы но аккордеонлы памятникъёс вань. Самараын, кудӥз Рос­сиысь баянлэн шоркареныз лыдъяське но кытын улӥз но ужаз та крузьгуро инструмен­тэз кылдытӥсь Павел Чулков, баянлы памятник 2018-тӥарын гинэ пуктыны малпало. Озьыен, Янаул излэсь быдэ­стэм тальянкаеныз зэмзэ ик данъяськыны быгатэ.

Нош Росси­ысь арганчиослы но баянистъёс­лы памятникъ­ёс дунне вылын трос. Кылся­рысь, Смолен­скын Александр Твардовскийлы но Василий Тёр­кинлы сӥзем па­мятникъёс вань, Краснодарын – крезьгурчилы но баянистлы Григорий Поно­маренколы, Воронежын – Митрофан Пятникцийлы, Кре­менчугын - Крокодил Геналы. Нош Новосибирск-Ордынское трассаысь татын бырыны шедем баянистлы, «Играй, гармонь любимая!» теле­передачаез кылдытӥсьлы но нуисьлы Геннадий Заво­локинлы сӥзем памятникез адӟыны луэ. Озьы ик, арганчиослы сӥзем памятникъёс вань Орехо-Зуевоын, Новосибирскын, Биробиджанын, Солнечногорскын.

Туспуктэм интернетысь басьтэмын.

Автор:Марина Николаева
Читайте нас: