+13 °С
Салкым
Антитеррор
Вань иворъёс
Пӧртэм-пӧртэм
11 Октябрь 2020, 12:00

Викторина. Маин данъяське республика?

Республикамылэн нуналэз азьын Башкортостанлы сӥзем юанъёсын тест-викторина дасямы.Ӵектӥськом асьтэдыз эскерыны.

  1. Та улон интыос пӧлысь кудӥз ноку шоркарен ӧз лыдъяське?
    2. А) Оренбург
    Б) Стерлитамак
    В) Темясово
    Г) Ваньзы луизы
    1. Кызьы малпаськоды, Уфа Парижлэсь бадӟымгес-а, пичигес-а?
      2. А) Трослы пичи, малы ке шуоно Париж – кунлэн шоркарыз
      Б) Париж выллемгес ик
      В) Уфа Парижлэсь трослы бадӟым
      1. Революцилэсь азьло асьме регионамы отечественной литератураысь классикъёс вуылыны ярато вылэм. Кылсярысь, Лев Толстой гожтэ: «В продолжение года я занимался школами и так измучился, что заболел. Потом бросил всё и поехал к башкирам – дышать воздухом и …». Йылпумъялэ классиклэсь малпанзэ.
        2. А) Чечыен чай юыны
        Б) Кумыс юыны
        В) Чебересь валъёс вылын ворттылыны
        1. Тросэз малпало, республикаысь гурт хозяйствоосын сакыр кушман будэто но йӧл потто шуыса. Башкортостан тросэн вуза:
          2. А) Кияр но помидор
          Б) Сьӧд икра
          В) Арбуз но виноград
          1. Война аръёсы республикае трос заводъёс но одӥг дышетон юрт выжтэмын вал. Со тодон-валан сётон юртын дышетскемъёслэн нимъёссы быдэс дуннеын тодмо луизы. Кыӵе дышетон юрт сярысь вераськон мынэ?
            2. А) Разведчикъёслэн школазы
            Б) «Институт благородных девиц» дышетон юрт
            В) «Академия генсеков ЦК партии» тодон-валан юрт
            1. 2004-тӥ арын Лондонын ортчем «Сотбис» аукционын улосчимылэсь картиназэ одӥг миллион долларен басьтӥзы. Со кинлэн ужез вал?
              2. А) Александр Тюлькин
              Б) Михаил Нестеров
              В) Наиль Латфуллин
              1. Башкортостан кыӵе альтернативной энергетикая азьветлӥсь регионэн лыдъяське?
                2. А) Атомной
                Б) Солнечной
                В) Ветряной
                1. Башкортостан – Россилэн европейской люкетысьтыз одӥгез «вож» регион. Нюлэс – йӧскалык узырлыкмы. Кыӵе писпуос асьме дорын тросгес будо?
                  2. А) Беризь
                  Б) Пужым
                  В) Тыпы
                  Табере эскере, юанъёслы шонер валэктонъёс сётӥллямды-а?
                  1) Г. Вакытаз та улон интыос ваньзы шоркарен лыдъяськизы. Кема аръёс ӵоже Оренбург губернилэн центреныз лыдъяськиз. Соку отчы пыриз туала республикамылэн музъемез. Баймак ёросысь Темясово 1919-тӥ арын толшор-тулыспал толэзьёсы Башкир правительстволэн резиденциеныз ялэмын вал, нош тулыс – Советской Башкирилэн правительствоезлэн резиденциеныз. Собере Стерлитамак шоркар луиз. 1922-тӥ арысен Уфа республикамылэн шоркареныз лыдъяське.
                  2) В. Уфа – бадӟым город. Солэн быдӟалаез – 707 квадрат иськем. Отчы сизьым Парижез (быдӟалаез 105 квадрат иськем) интыяны луэ.
                  3) Б. Лев Толстой Башкирие арлы быдэ вуылэ вылэм – татысь калыкъёсын пумиськылэм, сям-йылолъёсын, фольклорен тунсыкъяськем, калык шудонъёсы пыриськем. Валэн ӵошатсконъёс но радъям. Солэн ӵектэмезъя, татысь санаториосын мукет гожъясьёс но шутэтскылӥллям.
                  4) А но Б. Ар ӵоже Башкортостанын 40 сюрс тонна кияр но помидор будэто. Бакча сиёнъёс тужгес удалто Уфа но Буздяк ёросъёсын.
                  Россиысь одӥгез бадӟымез деликатесной икра поттон инты республикамылэн уйпал – шундыпуксён палаз - Краснокама ёросэ - интыяськемын. Татысь продукция нимысьтыз заказъёсъя Москвае кошке.
                  5) А. Разведчикъёслы школаос Уфаын но Кушнаренкоын вылӥллям. Уфаысез секретнойен лыдъяськем. Со сярысь али но номыр тодмо ӧвӧл. Нош Кушнаренкоысь школа сярысь трос тунсыкозэ тодыны луэ. Кылсярысь, отын дышетскем разведчик Маркус Вольф (кушем нимыз Курт Фестер) сярысь тросэзлэн кылэмзы вань, дыр.
                  6) Б. Михаил Нестеровлэсь «На земле покой» картиназэ тодмотэм адями 1,2 миллион долларен басьтэм. Солэсь азьвыл суредасьлэсь «Видение отроку Варфоломею» ужзэ 836 сюрс долларен басьтӥллям вылэм.
                  7) Б.Октябрьский город вӧзын кӧня ке ветряной станциос вань. Агидель городын атомной станция ӝутыны кутскиллям вал. Нош солнечной энергетикая Башкортостан Россиысь азьмынӥсь регионъёс пӧлы пыре.
                  8) А. Россиын будӥсь беризьёсты басьтоно ке, соослэн 80 процентэз Башкортостанын будэ – миллион гектарлэсь бадӟым музъемын.
                  Кӧня юанлы шонер валэктон сётӥды?
                  Ньыль но солэсь ӧжытгес: умой, валэктонъёс утчаллямды.
                  Вить: тодон-валандэс узырмытӥллямды. Мукет дыръя та юанъёслы одно ик шонер валэктонъёс сётоды.
                  Куать: ӟечок!
                  Сизьым: кык полэс ӟечок!
                  Тямыс: трос пол ӟечок!
                  Дасямын «Республика Башкортостан» Издательской домлэн материалэзъя.
                  Туспуктэм интернетысь басьтэмын.
                  Читайте нас:

                  Учредитель: Агентство по печати и средствам массовой информации Республики Башкортостан

                  Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна
                  Газета "Ошмес" - общественно-политическая, социальная, культурно-просветительская газета удмуртов Республики Башкортостан.
                  Телефон
                  Телефон+7 (34778) 2-11-89, 2-18-71
                  Электронная почта
                  Адрес
                  452830, Республика Башкортостан, Татышлинский район, с. Верхние Татышлы, ул. Ленина, д. 91
                  Яндекс.Метрика