"Пильмо нунал пальпотыса сайкыт луэ..."

Нош тодӥськоды-а тӥ, туннэ, коньывуон толэзьлэн нырысетӥ удмуртарняяз, тросэз странаосын Пальпотонлэсь нуналзэ пусъё шуыса? Таӵе праздник кылдэмын 1999-тӥ арын. Пальпотонлэн дунневыл нуналэзлэн символэз яркыт ӵуж смайлик луэ. Сое 1963-тӥ Америкаысь иллюстратор Харви Белл малпам, одӥг компанилы визитной карточка дасякуз. Художник ужез понна 50 доллар коньдон басьтэм. Компания соку ик сыӵе логотипен бейджикъёс дасям. Со ваньзылы кельшем. Берло США-ын смайликен марка но поттӥзы. Одӥгаз интервьюын художник шуэ: "Мон - туж шудо. Дунне вылын сыӵе ӝог но капчи лэсьтӥськись, ваньзылы шумпотон ваись номыр ӧй вал на".

Пальпотон праздникез пӧртэм акциос, флешмобъёс радъяса ортчыто. Яке огшоры пальпотыса, аслыд но котырысьтыд адямиослэсь мылкыдзэс ӝутон понна.

Туспуктэм интернетысь басьтэмын.