Тылобурдоос шуныт пала лобыны дасясько

Гужем шорын кар лэсьтыса, пузаса, пукыса поттэм кык ваёбыжпиос али будэмын ни. Уз гинэ будэ: анай-атайзы соослы вить минутлы быдэ сиён ваё. Ӵемысь бурдопиос, кыкназы артэ кариськыса, азбаре учкыса уло. Соос ку меда лобаны дышетозы ни милемыз шуыса возьмало, дыр. Кызьы соос сыӵе пичи каре тэро, соиз мыным валантэм. Мугорлы бадӟымесь гинэ ини уго. Уйлы бордазы анайзы но кариське на. Йырыз - пиосыз палан, ӝыны мугорыз - омырын. Кематэк тылобурдоосы шуныт пала лобӟозы ни. Кар улзэс нуналлы быдэ утялтоно луэ ке но, соостэк мӧзмыт луоз. Тулыс вуэмзэс витём.