Куинь тусо куншет

Россиын кызь куать ар ӵоже ни 22-тӥ гудырикошконэ Куншетлэн нуналэз пусйиське. Нош историез эскероно ке, куинь тусо флаг 310 арлэсь кема улэ ни. Сое Пётр I кылдытэм. Кивалтӥсь 1705-тӥ арын указ улэ гожтӥськем, вузкарись корабльёс тӧдьыё-чагыро-гордо флагъёсын гинэ уяны быгато шуыса.

Аръёс ӵоже шаерамы, куншетлы сӥзьыса, трос ужрадъёс, акциос ортчытэмын. Пӧлазы тужгес тунсыкоосыз, тодэ кыльымонъёсыз но ӧжыт ӧвӧл.

Толалтэ 2019-тӥ арын, кылсярысь, общественникъёс Байкалын аспӧртэм акция радъязы – музъем вылэ Россилэсь куншетсэ вӧлдӥзы. Солэн быдӟалаез 1423 квадрат метрлы ӵошам. Со куншет тужгес бадӟымен лыдъямын но Россилэн рекордъёсъя книгаяз пыртэмын. Нош 2013-тӥ арын пӧсьтолэзе Владивостокын улӥсьёс «улэп» куншет кылдытӥллям: 30 сюрс адями киосазы тӧдь, чагыр но горд тусо пичиесь флагъёсын куинь радэ султӥллям. Соослэн кылдытэм куншетсылэн кузьдалаез 707 метрлы вуэм. Та флешмоб Гиннесслэн рекордъёсын книгаяз шедем.

Суредъёсыз Анна Куснияровалэн.

Янаул ёросысь Барабановка гурт.