Улон сюресэ

Мон буш киын потӥ сюрес вылэ,Коньдон бекче ӧй басьты ас сьӧрам.Вань ваньбуре - та сюлэмы гинэ,Серекъяса эн кыле тӥ берам.Чечы бекче но мон ӧй кут киям,Анай-атай озьы дышетӥзы:"Ӟеч мылкыдыд пачыл ке сюлэмад,Ноку уд кыль сюрес урдсы, нылы".Со мылкыдын мон вамыштӥ азьлань,Читур-чутыр улон сюрес кузя, Жадемея мон валаны шӧтай:Улон монэ эркеяны жаля. Уго мылкыд ӧвӧл кӧё-вӧё,Кискич сямез но чик ӧй тоды мон.Озьы ке но мытэм сюрес дуно -Сюрес урдсы ӧз сэрпалты улон.Улон шоры ӧй учкылы вылтӥ,Вунэтытэк котьку тодам вози:Кулӥд ке, берытскод одно музэ,Лулыд гинэ тубоз лыз инбаме.Соин ик мон ӧй сузьтӥськы вылэ,Валай музъем вылэ берытсконме.Соку кызьы калык пумиталоз,Берлось сюрес вылэ но келялоз.