Гужем – арлэн "ческыт" вакытэз

Гужем – арлэн ческыт вакытэз. Кыӵе гинэ емышъёсыныз со асьмеды уг куноя.

Кема ӧвӧл бакчаысь нырысетӥ емышез – жимолость – бичамы. Али ини инкуазь асьмемыз ческыт узыеныз шумпоттэ. Кӧня ке дыр ортчыса, кырын боры кисьмалоз. Та емышъёслэсь сыӵе ческыт варенняос, компотъёс пӧрмо! Нош жимолостьлэсь конфитюр лэсьтыса оскалтэмды вань-а? Джемен ӵошатоно ке, конфитюр напгес луэ. Малы ке шуоно сое пӧзьтыку желатин ватсано.

Конфитюр лэсьтон понна кулэ луоз: 1 килограмм жимолость, 1,2 килограмм сакыр, 50 грамм ву, 20 грамм желатин.

Миськыса куасьтэм емышъёсты нельконо, вуын тордытэм желатинэз ватсаса, быректытоно. Собере сакыр пононо, тыл вылэ пуктоно. Быректэм бераз, пичи тыл вылын 5-10 минут пӧзьтоно но банкаосы тыроно. Конфитюр дась. Ческыт мед кошкоз.