+28 °С
Салкым
Антитеррор
Вань иворъёс
Пӧртэм-пӧртэм
31 куартолэзе 2020, 12:50

Арня курадӟод - тушмонэдлэсь мозмытскод

Туннэ - Кыскытэк улон нунал

Миша школазэ йылпумъямезлэсь азьвыл ик пурккетонэн эшъяськиз. Но одӥгаз Выль ар уе со кузпалызлы лушкем малпанзэ усьтыны дӥсьтӥз. Миша кемалась ни кысконзэ куштыны малпа вылэм. «Вуоно арын кыкнамы ик пурккетэмысь дугдомы», - шуиз со кузпалызлы.
Егитъёс нырысетӥ толшорысен малпанзэс быдэстон борды кутскизы. Соослы удалтӥз, та вакытэ кыкнызы ик отпускын луизы. «Уж дуре мыныса ушъяськыны быгатомы, - малпазы соос, - урод сямъёсмес вуж арен ӵош келямы шуыса». Миша тямыс ар талэсь азьвыл куинь нунал кысконэзлэсь куштӥськыса улӥз ни вал. Нош весяклы соин люкиськыны ӧз пӧрмы, кысконэз ачиз киосаз куриськиз кадь. Озьы со выльысь пурккетонэз борды басьтӥськиз. Табере со урод сямызлэсь тазалыксэ быдтэмзэ но шӧдэ ни. Егитъёс малпанзэс быдэстон борды вордӥськон нуналысен кутскизы. Миша котькуд нунал мылкыдзэ кагаз вылэ кисьтӥз.
Вордӥськон
Ӵукна, укно дурысь кысконмес адӟыса, мон малпаськонэ уси: «Оло одӥгзэ кысконо?» Со куспын кысконэз жуг-жаг пӧлы куштӥ. «Дугдыны малпай бере, кужмо кариськоно», - верай аслым. Собере ульчаын машина котырын бергаку но кыскон сярысь малпанъёс йырам трос пол бергазы на. Со сярысь вунэтон понна ӝоггес машинаме сузян борды кутски. Тужгес секыт луиз ӝытазе. Та вакытэ ми котьку кузпалыным ульчае кыскыны потамы. Ӧй чида, киям кысконме кутӥ… Куштӥ…
Пуксён
Туннэ одӥг малпанэн султӥ: пиосме песяйзы доры келям бере кыскыны пото. Чиданы кужым ӧй вал ни. Со куспын телефонам жингыртӥсь луиз. Уйпалан улӥсь эше тодаз ваем. Соин вераськытозям кыскон сярысь малпанъёсы тӧлӟизы.
(Кылемзэ лыдӟыны быгатоды газетмылэн 28-тӥ мае потэм номерысьтыз)
Олеся САДЫКОВА.
Читайте нас: