Ӵыпетын тӧдьы юсьёс уяло

* Юсьёс Европаысь вуын уясь тужгес бадӟым тылобурдоос. Соослэн мугорзылэн кузьдалазы 120-180 сантиметрозь луыны быгатэ, нош секталазы – 15 килограммозь.
* Юсьёс 25-28 ар уло.
* Парен тӧдьы юсьёс шудо улонлэн тодметпусэныз лыдъясько. Юсь аслыз пар шедьтыса, соин быдэс улонзэ ортчытэ. Соос ӵошен сиён утчало, лобӟо, пи потто. Ог-огзэс пумтэм ярато.
* Кык юсьёслэн огзы быро ке, огназ кылемез уллёез бордысь кошке. Со огназ улыны кутске. Тросэзлэн таӵе учыръёс сярысь но кылэмзы вань, дыр: огназ кылем тылобурдо, куректонзэ вормытэк, вылӥысен музъем вылэ усьыса быре.
* Юсьёс уллёысьтызы котькуд бурдо сярысь сюлмасько. Огзы висьыны усизы ке, соос шуныт пала лобӟонзэс но берлолы кельтыны быгато.
* Юсьёслэн вылтуссы улон интыенызы герӟаськемын. Кылсярысь, лымшор палан улӥсьёсыз пеймытгес тусо, нош кезьыт шаеръёсын улӥсьёсыз – тӧдь-тӧдьы.