-11 °С
Салкым
Антитеррор
Вань иворъёс
Пӧртэм-пӧртэм
15 куартолэзе 2020, 13:20

Быдэ вуон

Быдэ вуон

Вордӥськем шаере! Кылӥськод-а монэ?
Тонэн шыпытак вераськем туж потэ.
Мылкыдме усьтэме, гажанме вераме,
Кырӟанме кырӟаме тон сярысь туж потэ.
Вордӥськем шаере! Мон быдэ вуисько!
Ас шудме, улонме утчаны дыртӥсько.
Оло нош, азьпалан, кыдёке лобисько.
Одӥгзэ валасько: тынэсьтыд мӧзмисько.
Вордӥськем шаере! Мон уг вунэт тонэ.
Куашетӥсь арама, шуныт тӧл, бызись шур,
Анайме, атайме, гажано калыкме -
Сюлэмам яратон со понна луоз мур.
Вордӥськем шаере! Кылзы вал тон монэ.
Пичи дыр тӧлъёстэ пельты вал на мыным!
Трос аръёс ортчыса, мӧзмыса бертыкум,
Лӧпкытӥсь мылкыдын пумита вал монэ!
Аграфена МИНИГАЛИЕВА.
Суредэз Анастасия МИНИГАЛИЕВАЛЭН.
Янаул ёросысь Вуж Вараш гурт.
Читайте нас в