Ческыт макарон яке макрон

Фэйсбукысь Тартуын улӥсь, али пичи пиеныз декретын пукись Оля эшелэсь таӵе ялонзэ адӟыса, нырысь пайми, собере янгыш гожтэм, дыр, шуыса малпай. Кызьы озьы луоз? Сяськаос но макаронъёс ӵошен нокызьы но уг тупало кадь.

Нокыӵе янгыш отын вылымтэ. Крафтовой макаронъёс – со печенняос. Валэктон утчан понна пыри вотэсбаме. Нырысь ик, ма шуэм со крафтовый? Та кыл ӟуч кылэ 2012-тӥ аръёсы пыремын ни. Со англи «craft» кыллэсь пӧрмемын, кудзэ берыктыны луысал «быгатыса лэсьтэм уж» яке «ӧнер». Та прилагательноез кутыны луоз мастерскойёсын, нимысьтыз заказэн дасям ужъёсты вераку. Крафтовой продуктъёс - вылӥ ӟечлыко, аспӧртэмлыко шӧмо но натуральной ингредиентъёсын сиён-юон.

Берытскомы макарон борды. Та печенняез ик макрон шуисез но вань. Макарон (фр. macaron, /makaʁɔ̃/) – курегпуз тӧдьыен, сакырен но изэм миндален французъёслэсь асэстэм кондитерской изделие. Ӵемгес сыӵе печення пӧрало. Кык печення вискы кывузало сыӵе макаронъёсты яке уг, но оскалтэме потэ. Нош тазьы улэп сяськаосын, чебер коробкаын кузьмась луысал ке, туж шумпотысал.