Шунды берзэ учке ке...

Туннэ ӝыт шунды пуксьыку инбамез ӧд чаклалэ-а? Кыӵе чебер вал со: льӧлез но вань, гордэз но, пичияк лызэз но. Туж чебер суред кылдӥз. Малы со озьы луэ? Тодосчиос умойгес валэктысалзы, дыр, но, мон калыкын верамзэс гинэ тодӥсько. "Шунды берзэ учке яке адӟытэ" шуиськом сыӵе дыръя. Инбам сыӵе луэ ке шунды пуксьыку, ӵуказе нунал но туннэ кадь ик луоз. Озьыен, пичи гужем азьланьтӥське.

https://www.gismeteo.ru/ сайтын но урод куазез уг на верало. Пичияк зор луыны быгатоз 10-тӥ куартолэзе, гудыръяса ик зорыны кутскоз 14-тӥ куартолэзьысен. Шутэтскиськом, ужаськом, дорын пукиськом, куартолэзьлэн шундыеныз шунтӥськиськом но кужым басьтӥськом.