Заннягась: инкуазьлэсь выль потэм витаминъёссэ веръялом

Лымы бырыса вуттэ-а, уг-а, со бӧрсьы кын музъем улысь бычыр-бычыр нырысетӥ сяськаос, будосъёс ӝутско ни. Тужгес вазь аслаз шунды кадь пиштӥсь ӵуж сяськаеныз синъёсты вукуар шумпоттэ. Малы ке сое Татышлы ёросын улӥсь удмуртъёс мать-и-мачеха ик шуо. Солэсь модоссэ милям анай-атайёс но сиё вылэм, ми но пичи дыръяку, шедьтӥськом ке, соку ик ыме донгиськом вал.