-9 °С
Салкым
Антитеррор
Вань иворъёс
Пӧртэм-пӧртэм
11 южтолэзь 2020, 14:31

Мар сиёно тулыс?

Тулыс - адямилэн тазалыкез понна тужгес секыт вакыт.

Сое витаминъёслэн тырмымтэенызы валэктыны луоз. Инкуазьын пӧртэм воштӥськонъёс мугорамы соку ик шӧдӥсько, со лябӟе, изем потыны кутске. Соин ӝӧк вылмылэсь витаминэн узыр луэмзэ тужгес но та вакытэ чаклано. Отын бакча сиёнъёс тросгес мед луозы. Сиыны мынӥсь турын-куаръёс оштолэзе ӝужало ини. Тросэзлэн укно дуръёсазы вож будосъёс адӟисько. Сад-бакча возисьёс вож сугон, укроп, петрушка, салат будэтон сярысь сюлмасько ни.
Кин легезьпу мульы, сутэр гужем дасяз, котькуд нунал одӥг стакан мында соосын парем ву юиз ке, со С витаминлы уз ёрмы. Витаминъёсын узыр сылалтэм кубиста, нош ӵужкушманын каротинэз возиське тулыс но.
В1 витаминэн узыр сьӧд нянь, нош В2 трос йӧллэсь дасям сиёнъёсын, Е - будос вӧйёсын. Тулыс тӧдьы нянь ичигес сиёно, нош сезьы, чабей, сьӧдчабей кенеръёслэсь ӝук - тросгес.
(Басьтэмын «Ӟечбур!» газетысь).
Туспуктэм интернетысь басьтэмын.
Читайте нас в