Чимаса шудӥм

Гуртысьтымы одӥгаз ульчае пиналъёс шудыны ӵем люкасько. Бешкук (озьы нимаське со урам, бигер кылысь потэмын, лэся, биш – со вить) соосты кыӵе ке но адскисьтэм кужыменыз бордаз кыске, кожалод. Туннэ но татчы люкаським. Кыӵе гинэ шудонэн ӧм шудэ. Со дыре кин ке ӵектӥз, чимаса шудоме шуыса. Нокин пумит ӧз луы. Лыдъяським но кин кытчы быгатэ, кир-пазь пазьгиським.
Ми эшеным кымаса кельтэм дӧдьы улэ ватским. Кема возьмамы шедьтэмзэс. Мон умме усиськем: синъёсме усьтыку куазь пеймыта вал ини. «Нош эше кытын? Малы мыным вазьымтэ, сайкатымтэ?» - паймыса малпаськисько. Дорам бертыса пыри но, анай юа:
- Кытчы тон ышид?
- Чималиен шудӥм.
Та дырозь но ӧй тодысал, соку эше изем-а, ӧвӧл-а, ачиз ке ӧй верасал иземзэ. Со вазьгес сайкам, нош монэ сайкатыны жалям. Туж ческыт вылэм, лэся, изёнэ.

Лилия ГАРАЕВА.

Татышлы ёросысь Арибаш гурт.