Пельнянь - фетрлэсь

Нош таӵеосыз пельняньёс пельын нуллыны гинэ ярало. Фетрлэсь лэсьтэм пельугыосты уд ке но сиы, соос туж чебересь но туж мусо адӟисько. Вурем соосты ас киосыныз венгерка Жофия Сираки. Удмуртиын кема гинэ улэменыз но та шаер борды лул-сюлмыныз лякиськемысьтыз ик кылдӥз, вылды, сыӵе малпан, куке пельнянь фестивальлэн инстаграм бамаз пӧртэм ужъёсын фотоконкурс ялӥзы.

"Соосты вурыны вить минут но тырмоз. Пельугыосты пеле бырттон (швензаос) котькуд киуж магазинъёсын вузасько, тӧдьыалэс фетрез вандӥськод, петельной шовен вуриськод. Огшоры уж", - шуэ Жофия.