Пумиськонъёс, пумиськонъёс...

Тольяттиын улӥсь Борис Шарипзянович Гайфуллинлы футболка кузьмам газетмылэн азьвыл редакторез Альфид Геннадьевич Зайноков. Со сое синчеберез кадь утьыса возе, сыӵе ик выль ай.

Борис Шарипзянович Тольяттие1978-тӥ арын кошкем. Отчы со, 8-тӥ классэ йылпумъяса, дышетскыны мынэм. Электрогазосварщиклы дышетскыса, Камчаткаын служить карыса, АвтоВАЗ-ын пичияк ужаса, комсомольской путёвкаен Севере ужаны кошкем, буровой вышкаос ӝутылэм. Но улон сюресэз сое берен Тольяттие ик вуттэ. Али со пенсиын ни, но зарни киосызлы тэк улыны уг сёто. Нокыӵе ужлэсь но курдасьтэм пиосмуртлы дораз пукыны маза ик ӧвӧл. Берло дыре 26 ӟечыран, пе, лэсьтӥ ини. Ужамез кадь ик, сюлмо пиосмурт мыло-кыдо вераськись, котькинэн кыл шедьтӥсь.

Вордскем палъёсаз Борис Шарипзянович араз куинь пол бертылэ: вордӥськем Бадӟым Качак гуртаз но сузэръёсыз дорын кунояське, Кушнаренково ёросысь удмурт Канлы гуртэ но вуылытэк уг кошкы. Кузпалыз Нэля со гуртысь уго. Канлы гуртын но эмеспизэс чидатэк витё.