+13 °С
Салкым
Антитеррор
Вань иворъёс
Пӧртэм-пӧртэм
17 Октябрь 2019, 18:09

Кӧня вень нуллэ ӵушъял?

Таӵе пӧйшурен пумиськи алигес Татышлы ёрос центрысь одӥгез урамтӥз мыныкум. Монэ адӟыса, азьлане мынонзэ вунэтӥз кадь, но ӧз кышка, бугоре ӧз биниськы. Туспуктэм лэсьтыны но лэзиз.

Пичи дыръя ӵушъялъёсты, выжыкылъёсын книгаосысь сяна, адӟем ӧй вал. Нош али соос адями бордын, корка котырын улӥсь пӧйшуръёс кадь ини, садъёсын яке бакчаосын пи но поттыло. Тросэз соослы юри сиён дасяло: мед лыктозы шуыса, тусьтые йӧл поныса кельто. Уг тодӥськы, яра-а соослы йӧл сётыны, уг-а, но сое венё пӧйшуръёс ярато. Инкуазьын соос нымы-кибыосты, нӥзилиосты, шыръёсты кутыло.
Нош тодӥськоды-а тӥ, кӧня венез ӵушъяллэн? Ӵушъялпилэн – 3000 пала, бадӟым ӵушъялъёслэн 5000-6000 венъёссы лыдъясько. Соос адямилэн йырсиез кадь ик ӝог будо. Веньёс вискын векчи, кузь, шер-тур гонъёс вань.
Асьсэос пичи ке но, ӵушъялъёс туж ӝог ветло. Соос секундскын куинь метрез ортчыны быгато, умой уяло но тэтчало. Та пӧйшуръёсты ӵемгес уин яке ӝытпал пумитаны луэ, мынам пумитамез нуназе ик кытчы ке гонӟыртэ вал. Синъёссы урод ке но адӟо, пельёсынызы но нырынызы умой кыло но шӧдо.
Читайте нас: