Малы гуртъёсы палэзез тросгес мертто?

Тросэз палэзез ярато. Малы меда шуоды?

Нырысь ик, солэн куаръёсыз чебересь. Соос вож дыръязы но, сӥзьыл но котырез шулдырто. Со сяна, палэзьлэн ӵыж-горд ӟускиосыз кыдёкысен адӟисько, пичи горд шунды кадь пишто. Сыӵе дыръя мылкыд ик ӝутӥське. Нош емышъёсызлэсь ма гинэ лэсьтыны, пӧзьтыны уг луы: компот, варення, джем но мукет. Палэзед укно улад ке будэ, кыдёке ветлонэз но ӧвӧл: потӥд, бичад, пыртӥд но лэсьтӥд. Усто!

Палэзь, пе, кышкыт, умойтэм кужымъёслэсь, шайтанъёслэсь уте, шуо. Соин, вылды, палэзез гуртэ мерттыны ярато.

Родион ЗАРИПОВ.

Татышлы ёросысь Кызыл-Яр школа.