Туннэ - «Вконтакте» вотэсбамлэн вордскем нуналыз

Туала улонэз компьютертэк, смартфонъёстэк, интернеттэк син азе пуктыны уг луы ни. Вотэсбамъёс но адямилэн улоназ «пыраклы» интыяськизы. Соос пӧлын тужгес «популярной» луэ «Вконтакте».

2006-тӥ арын июнь толэзе вотэсбамез кылдытӥсь П. Дуров ужезлэсь пилотной версизэ уже кутӥз. Сентябрь толэзьын тестирование кутскиз. Сайт нырысьсэ 1-тӥ октябре ужаны кулэ вал, но куд-ог шуг-секытъёс кылдэмен, со 10-тӥ октябрьысен ужаны кутскиз.

Нырысь П. Дуров сайтсэ Studlist ниманы малпа вылэм. Но таӵе ним студентъёсты гинэ огазея шуыса, воштоно карисьемз - «Вконтакте» ним сётэм.

Кылдыкуз та проект «ворсамын» вылэм. Отчы СПбГУ-ысь студентъёс ӧтён ыстыса гинэ пыриськыны луэм. 2006-тӥ арын ноябрь толэзьысен «Вкрнтакте» котькуд мылкыд карись понна усьтӥськем.