+9 °С
Салкым
Антитеррор
Вань иворъёс
Пӧртэм-пӧртэм
24 Куарусён 2019, 18:32

Чырсатэм кубиста

Дасяськом толалтэлы

Кулэ луоз: 2 килограмм тӧдьы йыро кубиста, 2-3 ӵужкушман. Суретлы кулэ луоз: 1 бадӟым пуньы сылал, 1 бадӟым пуньы сакыр но 800 мл быректытэм ву.
Чырсатэм кубиста дасян понна, кубистаез но ӵужкушманэз юдоно (вуштоно ӧвӧл). Собере соосты сурано но пияла банкаосы тырыса сурет дасяно. Со понна 800 мл быректытэм вуэ быдэн одӥг бадӟым пуньыен сылал но сакыр ватсано. Соос вуын сылмем бере, суретэз кубиста вылэ кисьтоно. Сурет ӧз ке тырмы, сое выльысь лэсьтоно. Кубиста быдэсак вуэ мед кылёз. Собере банкаез мур тэркые пуктоно, малы ке шуоно чырсакуз солэн вуэз потоз. Банкаез 2-3 суткалы корка кельтоно. Ӵуказеяз кубиста чырсаны кутскоз. Соку кубистаез вилкаен одӥг-ог зӥбылоно. Ву пульыос потытозяз сое коркан возёно но бӧрысь холодильнике интыяно.
Читайте нас: