Банкаосын - ананас шӧмо дыня

Таӵе амалэн консервировать карем дыня анас шӧмо луэ.

Кулэ луоз: 2,5 килограмм дыня, 400 грамм сакыр песок, ванилин, 1 литр ву, 1 пичи пуньы лимонной кислота.

Кастрюляе ву пононо, сакыр, лимонной кислота но пичияк ванилин ватсаса, пыр-поч сурано но быректыны пуктоно. Дыняез миськыса, кӧмзэ палано, кидысъёссэ бичано но пичи юдэсъёслы люкылоно. Юдэсъёсты чылкыт банкаосы тыроно но со вылэ быректэм сиропез ватсано.

Банкаосты 10-15 минут ӵоже вуын стерлизовать карем бере корт ворсэтъёсын ӵоксано.

Толалтэ таӵе ческыт сиён гужемез тодэ вайытоз, мугорез витаминъёслы узырмытоз. Ческыт мед кошкоз!