-15 °С
Яркыт
Антитеррор
Вань иворъёс
Пӧртэм-пӧртэм
17 августэ 2019, 16:36

«Шуныт» пумитазы

Сюресъёс. Кытчы гинэ уг вутто соос милемды, журналистъёсты. Кинъёсын гинэ уг тодмато? Бускель ёросысь пичи удмурт гуртэ вуылӥмы. Отын ужмы йылпумъяськиз. «Одӥг лыктэм, сюрес выламы пумиськись мукетаз удмурт гуртэ но кожылом», - малпамы.

Ми, сю иськем пала палэнын улӥсьёс, гуртлэсь маин шокамзэ тодон понна, кинлы вазиськиськом шуиськоды? Шонер, нырысь ик ми вамыштӥськом гурт поселенилэн администрацияз, школае. Гуртэ лымшор вакытэ вуэмен, нырысь ми школае пырыны малпамы, мукетъёслэн та дыре сиськон вакытсы, уждурысьтызы уд шедьты. Тодон-валан юртэн кивалтӥсь уж муген ёрос центре, пе, кошкем, шуизы школаын.
- Иське, солэн воштӥсьёсыз интыязы, дыр? – юасько вахтаын пукисьлэсь. Нимтулъёсмес гожтыса, подписьёсмес басьтэмез бере, со милемды завучлэн висъетаз келяз. Ӝӧк сьӧраз пукись кышномурт ӟечъяськиз гинэ но, телефонэз жингыртӥз. Кисы телефонзэ кияз кутыса, со ӧс сьӧры «ышиз». Кӧня ке дыр ортчыса, висъетаз берытскиз но шуэ:
- Кылзӥсько, туж внимательно. Ма муген тӥ туннэ ми дорын?
- Школа улонэныды, ужады утэм вормонъёсыны уд тодматэ-а? Дышетскисьёсты пӧлын но ушъямон, данъямон нылпиосты вань, дыр?, - валэктыны вырисько. Нош дышетӥсь, юанэзлы янгыш валэктон сётэм доска дорын сылӥсь нылаш шоры выллем шорам учкиз но зол куараен вазиз:
- Ӧвӧл милям вормонъёсмы, ушъяськымон пиналъёсмы но - тю-тю! Бертон сюресады нош одӥг удмурт школа пумиськоз на. Вот отчы кожылэ, соос вормонъёссэс возьматыны быгатозы.
Мар вазёд на таӵе кылъёс бере. Котькудмы малпанъёсамы выйимы. «Ма, кызьы, пе, быдэс шор ёзо школаын усто пиналъёс ӧвӧл? Кылсярысь, та школаын спортын кужмо пияш дышетске, ёрос, республика ӵошатсконъёсын но со вормисьёс пӧлын ӵемысь луэ. Малы меда завучлэн милемыз ӝог гинэ келямез потӥз?» - тунасько ас поннам. Вераны кулэ, сюрес выламы пумиськись школаын, кудаз пырыны ӵектӥз завуч, милемлы котьку шумпото, материал люканы но соос юртто, ужрадъёсын утэм вормонъёссы сярысь но жингыртыса верало. Та кык гуртъёсты кӧня ке иськемъёс гинэ люко, нош калык – чылкак пӧртэм.
Тини озьы «шуныт» пумитазы милемды одӥгаз гуртын. Нош подписка сярысь кылпум ӝутыку, нырысь ик соос вералозы: «Ми сярысь ӧжыт гожъяськоды». Зэмлык, бен, нош кин палан?
Миляуша БУЛАТОВА.
Читайте нас в