-15 °С
Яркыт
Антитеррор
Вань иворъёс
Пӧртэм-пӧртэм
4 августэ 2019, 10:27

Курике эн шеде

Пӧяськыса коньдон пыртыны малпасьёслэн амалъёссы трос. Нуналлы быдэ соос выль «сюресъёс» утчало. Одӥгез схемазы – таӵе.

Картаяды 70-80 сюрс коньдон пыре. Кӧня ке минутскын йыртэмасьёс жингырто но, карта номерез шонер гожтытэк, коньдонэз янгыш выжтӥськеммы шуыса, сое берыктыны куро. Карта номерзэс сёто. Оскись адями со дыре ик пырем коньдонзэ выжтэ, уг но малпаськы, йыртэмасьёслэн куриказы шедьыса, соослы юрттӥсь луи шуыса.
Йыртэмасьёс шуо: «Дырдэс басьтэммы понна, коньдонлэсь кӧня ке люкетсэ (10-20 сюрссэ) асьтэлы кельтыны быгатоды».
«Кытысь бен мыным коньдон пыриз?» - юалоды тӥ. Йыртэмасьёс интернет пыр луымтэ вузъёссэс вӧлмытъяло. Басьяськисьлы тӥлесьтыд карта номердэс сёто но коньдон отчы выже.
Та схемаын тӥ, асьтэос но сое тодытэк, куинетӥ звено луиськоды. Малы ке шуоно басьяськись малпа, солэсь коньдонзэ тӥ басьтӥды шуыса. Мар кароно таӵе дыръя, курике шедёнтэм вылысь? Банке вазиськоно.
Миляуша НИГАМАТУЛЛИНА.
Читайте нас в