Арбуз ческыт ке но...

«Нылы арбузлэн дуныз усьытозь возьманы уг чида ни. Вить килограмм арбуз понна 125 манет тыримы», - вераз алигес одӥгез тодмое. Зэм, берло соос дыртыса арбуз басьтэмзы пумысен жаляллям. Кисьмамтэ на, пе, вылэм…

Та нуналъёсы Роскачество арбусъёслэсь ӟечлыксэс эскерон борды басьтӥськиз. Нырысь соос вазь вуись арбузъёсты учкозы, берло – гудырикошкон толэзь пумын. Магазинын, рынокын но сюрес дурын вузаськись арбузъёс ог-огзылэсь висъясько меда? Чылкак таӵе юанлы валэктон утчаны малпало дунъясьёс но. Соослэн малпамзыя, емышъёсын кишечной палочкаосыз, пӧртэм нитратъёсыз, пестицидъёсыз луыны быгатозы. Со сяна, вуз карисьёс басьяськисьёссылы кисьмамтэ арбуз но вузаны уг возьдасько.

Роскачествоын ужасьёс басьяськисьёсты шуныт шаеръёсысь вуттэм емышъёсты басьтыкузы соослэсь ӟечлыксэс сакгес учкыны куро. Арбузды, пе, пилиськемын-вандӥськемын медаз луы. Нош ӝӧк сьӧры пуксемдылэсь азьвыл, сое миськыны вунэтоно ӧвӧл. Бусыосы котькытын тазалыклы кышкытлык кылдытӥсь суретъёс потто угось.

Ольга

НИГАМАТУЛЛИНА.