Егит лыдӟисьмы Елена Набиуллина выль веросэныз но кылбуръёсыныз шумпоттӥз

Солэн трос веросъёсыз, кылбуръёсыз лыдӟисьёсмылэн сюлэмъёсазы сюрес шедьтӥзы. Газетмылэн вуоно номераз Еленалэн выль веросэз печатласькоз. Со - яратон сярысь. Нош али егит автормылэн трос кылбуръёсыз пӧлысь одӥгеныз кылбуреныз тодматӥськом.

Кыл Анай

Данъяськисько!

Дан борды на ватсасько

БУР ШУДме,

ВУ СИНъёсме,

ТЫЛ СЮСЬме,

ЛЫК ВОЗЬЫТме.

ЗОР ЙӦез,

ВУЖЕР УЙез ,

СЬӦР ИНэз,

ТОН-ЯРАез…