Чылкыт ву мед бызёз

Шудек гуртын улӥсьёс одӥг нуналзэс Шады шурзылы сӥзизы но солэсь праздниксэ ортчытӥзы. Отчы школаын дышетскисьёс, гуртысь шурлэсь но солэсь котырзэ чылкыт возён сярысь сюлмаськисьёс люкаськизы. Шурысь но ярдуръёсысь жуг-жагез утялтэм бере ужрадэ лыктэмъёс куриськыса ӝук сиизы. Нош Выль Татышлы шор ёзо школаын пичи классъёсын дышетскисьёс ошмес котырез сузязы, вулы ветлон интызэс чылкыт каризы.