Вань иворъёс
Пӧртэм-пӧртэм
31 куартолэзе 2019, 14:14

Чеберлык кытчы ышиз?

Улонлы ӝожтӥськись адямиос котьку но вань вал, дыр. Нош али?

Котькудаз соцсете пыр, котькыӵе иворез тон лыдӟы, одно ик умойтэмез, уродэз сярысь комментарий гожъясьёс тросгес пумисько. Огезлы вузкарись кельшымтэ, мукетэзлы дышетӥсьёслэн ужзы уг яра, куинетӥез эмчиосты тышкаське, ньылетӥезлы ужез но коллегаосыз уг кельшо… Уйбыт-лумбыт гожъськыса пуко, номырлэсь ӟечсэ адӟыны уг тыршо. Соослэн огъя малпанзы – умойтэм вакытэ улыны тупаллям.
Интернетысь потыса, зэмос улонэ, адямиос пӧлы, пыриськод. Татын но сыӵе ик суред. Огез одно ик коммунальной службалэн ӟеч ужмтэезлы ӝожтӥськоз, кыкетӥез – пичи уждунэзлы, куинетӥез – тазалыкезлы…
Телевизорез вырӟытонэз ик ӧвӧл. Отысь но ӟеч иворез шер кылод. Ӝытпал малпаськыны кутскиськод, макем дунне вылын ваньмыз кырсь, сьӧд, чеберез ик ӧвӧл ни. Куддыр тодмоедлы вазьыны ик кышкалод, улос-вылос сярысь юад ке, одно ик умойтэмзэ вералоз, ӝожтӥськыны кутскоз шуыса. Ваньмыз умойтэм, ваньмыз урод, кырсь! Дунне вылысь чеберлык кытчы меда ышиз?