-18 °С
Салкым
Антитеррор
Вань иворъёс
Пӧртэм-пӧртэм
3 куартолэзе 2019, 10:28

Туннэ - шундылэн нуналыз

3-тӥ куартолэзь – Шундылэн нуналыз

Та нунал 1994-тӥ арысен пусйиське. Сое Солнечной энергилэн калыккуспо обшествоезлэн Европаысь ёзэтэз кылдытэм. Шундылэн нуналаз пӧртэм ужрадъёс ортчо. Соос Солнечной системаысь кизилиез утёнлы, Шундылэн югытэныз пайдаяськонлы сӥземын луо.
Шундылэн температураез пӧртэм. Ядрояз – 15 млн С, тужгес пичиез – 6000 С. Музъеме шунды ядролэн одӥг шапык гинэ материяез усьысал ке, 150 иськем радиусын улэп маке ӧй кыльысал.
1640-1700-тӥ аръёсы Шундыын виштыос вылӥллямтэ. Со дырез «Минимум Маундера» нимало. Со вакытэ музъем вылын климат шӧдскымон воштӥськем, куазь кезьдэктэм. Азьвыл кынмисьтэм шуръёс но йӧэн шобырскиллям.
Шундылэсь быдӟалазэ футбольной туп кадь пичиятоно ке, Юпитер теннисной шарик быдӟа луоз, нош Музъем – кӧжы быдӟа.
Араз кык пол солнечной затмениез эскерыны луэ. Со котьку пӧртэм интыосын луэ. Одӥг интыын сылыса солнечной затмениез адӟо шуид ке, сое 200-300 ар витёно луоз.
Шундыын секундаз 700 тонна водород ӝуа ке но, со 8 миллиард ар улоз на.
Дасямын интернетысь материалъёсъя.