Лулпу

Одӥг гужем туж пӧсь но кӧс луэм. Ошмес куасьмыны кутскем. Вуэз ӧжыт но ӧжыт кыле, пе. «Ой, лулы потэ ни», - мур лулӟем ошмес. Писпу солы вазьытэк чидамтэ: «Мынам но кулонэ матэктэ кадь». Соку ошмес тазьы шуэм: «Басьты мынэсьтым лулме. Тон улэп кыльыны кулэ. Нош мон музъем пыдсы кошко. Отын лултэк но уло». Писпу солэн пумитаз номыр вераны вуттӥськымтэ ни, ошмес ышем. Писпу капчияк шокчем, пӧсь мугорзэ юзмыт вуэн пылатӥллям, кожалод. Жильыртӥсь эшсэ ыштымтэ кадь выре – мылкыдыз умой, пе. Писпу пумен пуштресгес луэм, вылӥе кыстӥськем, вӧзаз нылпиосыз ӝужаллям. Тӥни соку писпу тодаз ваем ошмесэз. «Усьты, эше, синдэ, басьты ни ас лулдэ, - вазиськем ошмеслы писпу. – Тынэсьтыд лулдэ мон ути. Тонтэк мыным мӧзмыт».

Ошмес зэмзэ но выльысь улӟем, азьлолэсь но чылкыт луэм, пе. Адямиос та учыр бере со писпуэз лулпу шуыса нималлям…

Кытын лулпу будэ, отын ошмес но луэ, яке ошмес вӧзын лулпу но улэ.

Ог-огдэ валаны куддыръя кылъёс но кулэ ӧвӧл.

Ульфат БАДРЕТДИНОВ.