Кызьы парсьпи Тол бабайлы юрттӥз

Со котьку горд дӥсен, кияз бодыен ветлэ вылэм. Пересь туж яратэ вылэм нылпиосты. Выль ар вуыку пичильтыкъёс понна сюлмаське вылэм. Соослы кузьым дасяллям. Ондӥлы - трактор, Васялы - самолёт, Машалы - мунё, Катялы - книга... Валъёссэ кыткыса, котькудӥз нылаш но пияш доры дыртэ вылэм. Дасям кузьымъёссэ кузьманы. Кыз котырын эктыны, кырӟаны. Выль арез пумитаны.

Нош одӥг пол пересь нюлэстӥ празднике мыныкуз буран потэм. Зол буран пелляськем. Вань сюресъёсты со лымыен согем. Тӥни соку пиналъёс, оло, кузьымтэк кыльысалзы, но ӵапак кытысь ке парсьпи потэм. Аслыз сиыны мульы утча вылэм. Пересьлэсь сюлмаськонзэ тодэм но юрттӥськоно кариськем.

- Хрю-хрю-хрю! Тол бабай, тон-а, мар-а? Али ик тонэ сюрес вылэ потто! Огшоры шуиськоды-а ныры мынам чатрес? Вань зынъёсты умой шӧдон понна, - нурскетэм парсьпи.

Тол бабай шумпотэм. Нюлэскысь вань пӧйшуръёсты сьӧраз празднике ӧтем. Ӵошен парсьпи сьӧры, шулдыр кырӟаса, мынӥллям.

Выль ар вуэ, выль ар вуэ,

Котькин солы шумпотэ!

Тол бабай кузьым нуэ,

Котькин сое яратэ!

Тӥни куддыръя озьы но луэ вылэм. Парсьпи праздникез утем. Со понна сое Тол бабай Выль арлы пус юнматэм!

Эрик МИХАЙЛОВ, Ижевскысь Кузебай Герд нимо гимназиын дышетскись.