-18 °С
Салкым
Антитеррор
Вань иворъёс
Пӧртэм-пӧртэм
21 Куарусён 2018, 10:47

Мусо гуртэ

Мусо гуртэ, сылэ со шур дурын,Тэльёс, лудъёс сое котырто.Отчы монэ нуэ тодмо сюрес,Гуртам дырто сюлэм гуръёсы.

Мусо гуртэ, сылэ со шур дурын,
Тэльёс, лудъёс сое котырто.
Отчы монэ нуэ тодмо сюрес,
Гуртам дырто сюлэм гуръёсы.
Шулдыр татын, каньыл, ваньмыз тодмо,
Татын кылдо выль чуръёсы.
Гуртам кылиз шудо пичи дыры,
Дуно гуртме ноку уг вунэты.
Нуны дырысь зарни кӧкы –
Ялан ветта кадь со монэ,
Лӧсъяськись мамык бус но
Лякыт веша ӵуклы быдэ.
Вордскем шаер котьмалэсь но дуно,
Ческыт солэн ошмес вуосыз.
Шумпоттыса паськыт бусыосын
Веттасько тыро шепъёсыз.
Узы, губи зыно нюлэсъёс
Зол кужымен кыско бордазы.
Вуюись тусэн пиштӥсь сяськаос
Пумитаса йырзэс мыкырто.
Вордскем шаер! Ӧвӧл солы мертэт,
Адӟиськисьтэм кужым со бордын.
Кыдёкын мон луо, мурт шаерын,
Сюлмы котьку луоз гуртэ бордын.
Миляуша НИГАМАТУЛЛИНА.
Туспуктэмез Елена Набиуллиналэн.