Ву - пайдаё юон

Школаысь дышетскыса бертӥсь пиос магазинэ пырыса ческыт сиён басьтӥзы. Одӥгезлы пилы анаез чипсылы коньдон сётэм, мукетызлы – соклы. Но дышетскись сок ӧз басьты, вуз карисьлэсь газировка куриз. Со, пе, трослы ческытгес.

Магазинын таӵе суредэз адӟыса, тодам лыктӥзы интернет вотэсысь лыдӟем чуръёс. ЮАР-ысь одӥгез университет эскеронъёс ортчытэмез бере тодэм: газировкаосты трос юид ке, адямилэн давлениез, вирысьтыз сакырез ӝутскыны, инсульт кутыны быгатэ.

Эмчиос арняяз вить пол газированной ву юисьёслэсь тазалыксэс эскериллям. Собере соос пӧлысь тросэзлэсь сакыр диабетсэс, давлениен курадӟемзэс шараяллям. Со сяна, кинъёслэн ке секталазы будэм. Маин соос герӟаськемын?

0,33 литръем газировкаен банкаын, кылсярысь, 39 граммлы матэ сакырез. Нош адямилы нуналаз сое 25 грамм сиёно. Дас арня ӵоже газированной ву юэм адямиослэн 17 процентэз сюлэмзы висемлы ӝожтӥськыны кутскиллям. Соин эскерисьёс верало: «Газированной ву ческыт ке но, ошмес ву трослы пайдаёгес».

Ольга НИГАМАТУЛЛИНА.

Читайте нас в

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91