-15 °С
Лымы
Антитеррор
Вань иворъёс
Пӧртэм-пӧртэм
12 Куарусён 2018, 14:23

Cӥзьыл - шудо вакыт

Шаерамы сӥзьыл вуиз.

Со паймытӥз аслаз шулдыреныз, вань дуннеез воштӥз. Мон туж яратӥсько сӥзьылэз. Йырын чебересь малпанъёс бергало. Сӥзьыл – инкуазьлэн паймымон вакытэз. Музъем котырак ӵужо-гордо ковёрен шобырскемын. Нюлэскын чалмыт, шыпыт – шутэтскыны туж ӟеч. Омыр чылкыт, шоканы ик капчи. Улон – выжыкыл. Шуг-секытъёс вунэмын. Шулдыр! Вань пушдуннеме мон сӥзьыллы кузьмасько.
Гужемлэсь ортчемзэ шӧдытэк кылем выллем ик, тани сӥзьылэн келяськон дыр но вуоз. Малпасько, сӥзьыл яратӥсь сюлэмъёсты но огазея. Соку улон быдэсак воштӥське кадь.
Сӥзьыл – мынам нырысетӥ яратонэ, шудолэсь но шудо вакытэ. Со котьку но монэ вала. Ми сӥзьылэн люкиськонтэм эшъёс. Оло, соин но со мыным кельше?! Мылкыд капчи. Синъёс шунды кадь пишто. Мон уг вунэты тонэ, сӥзьыл!
Ольга АХМЕТЗЯНОВА.
Татышлы ёросысь Калмияр гурт.