Тополь мамык

Мар тамаша та, тамаша Юг омырын лымы берга? Нош пыд улын, нош пыд улын Вож-вож ӝужа небыт турын. Тополь мамык, тополь мамык, Лымы выллем тӧдьы-тӧдьы, Каллен усе со бергаса, Музъем вылэ. Котыр-котыр ӵуж тылъёсын Яркыт ӝуа пуныжильы. Нош омырын, нош омырын Эктэ, берга тӧдьы лымы. Тополь мамык, тополь мамык Укыр небыт, укыр небыт. Ӵуж сяськаос вылэ ваське Югыт-югыт. Вамышъяку каллен-каллен Югыт небыт мамык вылтӥ, Оло, юн-юн бурдъёс кылдо – Тани-тани вылэ лобӟо. Тополь мамык, тополь мамык, Сюлэм вылам каньыл-каньыл. Туннэ гинэ кадь дуннее Мон вордӥськи. Татьяна ХАРИСОВА. Пермь шаерысь Бадӟым Березник гурт.