+30 °С
Салкым
Вань иворъёс
Пӧртэм-пӧртэм
17 куартолэзе 2018, 12:43
Интернетысь "иворъёс"
Компьютерме «вырӟытӥ»,Калгисько интернеттӥ,
Компьютерме «вырӟытӥ»,
Калгисько интернеттӥ,
Мар вылез ай дуннеын?
Кыӵе ивор вӧлмемын?
Эшъёсы кызьы уло?
Мар-о выльзэ «верало»?
Ваньзы - тямыс сюлэсь трос,
Соцсетьын «уло» соос.
Туж трос тодыны луэ,
Пыриськод ке «контактэ».
Туспуктэмъёс тодмато,
Ваньмыз сярысь верало.
Огез Сочие ветлэм,
Зарезь вуын пыласькем.
Мукетыз – гурезь йылын,
Ширтэ уллань куас вылын.
Кин ке юбилей пусъем,
Огез сюан ортчытэм,
Нош таиз – нуны вордэм,
Куинетӥез – люкиськем.
Таиз нош мар фото та?
А-а-а! Эше халат басьтэм,
Дӥсям, туспуктэм лэсьтэм,
Сое но сете пуктэм.
Солэсь адӟыса, лэся,
Эшез купальник дӥсям,
Басьтэм выль дӥськутэныз
Чидатэк вите гужемез.
Таяз фотоын, эшъёс,
Сур юо воргоронъёс.
Ӟенеликъёс – котырак,
Кудӟемын соос копак.
Таосыз легезяллям,
Таосыз борыяллям.
Чебер инкуазь суредъёс
Фотое шедьылӥллям.
Учкыса уд тыр, ява,
Шулдыр бакча сяськая!
Лилияос, розаос –
Тыршиллям усто киос.
Таиз эше – туспуктӥсь,
Кыӵе усто кадръёс:
Кисыриё песяй киос…
Шурын шудо тулкымъёс…
Кыӵе улон тумошо,
Ваньзэ котыр «вӧлдоно».
Кызьы бен улысалмы,
Ӧз ке лу интернетмы?
Миляуша
НИГАМАТУЛЛИНА.
Читайте нас в
Учредитель: Агентство по печати и средствам массовой информации Республики Башкортостан
Регистрационный номер: Свидетельство ПИ № ТУ02-01536 от 6 июня 2016г.
Главный редактор: Нигаматуллина Оля Борисовна
Газета "Ошмес" - общественно-политическая, социальная, культурно-просветительская газета удмуртов Республики Башкортостан.
Телефон
Телефон+7 (34778) 2-11-89, 2-18-71
Электронная почта
Адрес
452830, Республика Башкортостан, Татышлинский район, с. Верхние Татышлы, ул. Ленина, д. 91