Шырчикъёс сярысь сюлмаськыса

Янаулысь Пионеръёслэн юртсы тулыслы быдэ нылпиос пӧлын шырчик умортоос лэсьтонъя конкурс радъя. Туэ отчы Янаул ёросысь витьтонлы матэ пиналъёс пыриськизы. Вормисьёсты вить пӧртэм номинациосъя бырйизы. «Оригинальный скворечник» номинациын 3-тӥ интылы кузё луизы Орловка школаысь 3-тӥ классын дышетскись А. Воронцова но 4-тӥ классысь Е. Воронцов (дышетӥсьсы А. М. Хабибулина). «Сувенирный скворечник» номинациын Вуж Варяш школаысь 2-тӥ классын дышетскисьлэн В. Мензариповалэн ужез 2-тӥ интыен дунъямын (дышетӥсез С. Г. Ахметгараева). «Красочный скворечник» номинациын та школаысь ик 3-тӥ классын дышетскись К. Галимзянов 3-тӥ интыын луиз (дышетӥсез Л. В. Асатова).