Тулыслы ӧсъёс усьтӥськозы

Дорамы нырысетӥ вамышсэ лэсьтэ тулыс. Солы шумпотыса ик, вылды, шунды но вазьгес сайкам. Кезьыт куазен со шуныт тылсиосыныз калыкез шумпоттыны тырше. Шунды тодэ: табере со кемагес кузёяськоз, нуналъёс уйлэсь шӧдскымон кузьгес кыстӥськозы. Солэн тылсиосыз кезьыт лымы пырыосты жалятэк шунтозы. Ӝоген гурезь йылын вож гуждоръёс адскозы. Азьвыл пиналъёс та вакытэз чидатэк витизы. Соос пичиесь гуждоръёсын пӧртэм шудонъёсын шудӥзы.

Дорамы нырысетӥ вамышсэ лэсьтэ тулыс. Солы шумпотыса ик, вылды, шунды но вазьгес сайкам. Кезьыт куазен со шуныт тылсиосыныз калыкез шумпоттыны тырше. Шунды тодэ: табере со кемагес кузёяськоз, нуналъёс уйлэсь шӧдскымон кузьгес кыстӥськозы. Солэн тылсиосыз кезьыт лымы пырыосты жалятэк шунтозы. Ӝоген гурезь йылын вож гуждоръёс адскозы. Азьвыл пиналъёс та вакытэз чидатэк витизы. Соос пичиесь гуждоръёсын пӧртэм шудонъёсын шудӥзы.

Кезьыт тӧл пельтэ. Вазь тулыс солы паймонэз ик ӧвӧл, лэся. Та вакытэ я лымыя, я шунды пиштэ. Нош липетысь тёп-тёп-тёп! ву шапык вия. Озьы шунды тылсиос улын йӧ ӟузыриос шунало. Нош кытын ке ӟольгыриослэн ӟабыльтэм куараоссы кылӥсько. Соос асьсэлы пузкар дасян сярысь малпасько ни. Ӝоген шаерамы зэмос тулысэз вуттыса сьӧд куакаос берытскозы. Котыр дунне выльысь улӟоз. Кезьыт тол куазь шуныт тулыслы ӧсъёссэ усьтоз.

Ольга НИГАМАТУЛЛИНА.

Читайте нас в

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91