Туннэ диссертацизэ уте визуальной антрополог Лийво Ниглас

Башкортостанын улӥсь удмуртъёс дышизы ни кадь гужемлы быдэ соос доры кунгож сьӧрысь (Эстония-Франция) тодосчиос вӧсьёссэс но мукет сям-йылолъёссэс эскерыны вуыло шуыса. Туэ гинэ кышкыт висён люкетӥз соослы кутскем ужзэс азинтыны. Котьку бадӟым но секыт сумкаен, трос вераськыны яратӥсьтэм эстон пиосмурт, визуальной антрополог, режиссёр-оператор Лииво Ниглас Башкортостанын но Пермь шаерысь Куеда ёросын улӥсь удмуртъёслэн оскон сямъёссы сярысь трос гинэ видео уськытъяз ини. Тросэз соос пӧлысь кино карыса дасямын но дискъёсын утисько.