Уразгильды гуртысь вӧсез радъясьёс толон интызэ сузязы-турназы, утялтӥзы, нош туннэ тямыс часысен вӧсь нергезэс кутскизы. Калыклы отчы мыныны лэземын ӧй вал. Пудо вандон, ӝуш миськон, ӝук пӧзьтон усиз вить воргоронъёс но кык кышномуртъёс вылэ. Та нылкышноосты но лыдэ басьтыса, гуртын вӧсь дун но кеньыр октӥзы укмыс кышномуртъёс. Соос ик ӝытпал ӝукез гуртысь вань юртъёсы люкылӥзы. Инмарлы вазиськиз гуртысь вӧсясь Ралиф Гараев.