Куриськем кылъёс кылэмын мед луозы

Элен вӧсе калык нуназе котыр люкаськыны кутскиз. Шумпотоно, берло аръёсы отчы егитъёс но трос вуыло. Туэ но соос вӧсь лудэ быдэс семьяосынызы лыктӥзы. Матысь гуртъёсын улӥсьёс пыдын вамышто, кинъёс ке машинаосын ширто, нош Удмурт Элькунысь куноос автобусэн вуизы. Та нуналэ Инмарлы йыбырттыны лыктӥзы Камсьӧр удмуртъёсэн огазеяськонэнызы кивалтӥсь Флюра Чибышева, республикаысьтымы удмуртъёслэн национально-культурной центрзылэн тӧроез С. Г. Гарифуллин, солэн воштӥсез Ю. С. Саитов но мукетъёс. Трос калыклэн вӧсе лыктэмез пумысен шумпотоно ке, мукетыз понна сюлмаськоно: вӧсе тросэз гольык йыр вуо. Туэ но со ласянь суред пӧртэм ӧз луы. Вӧсе гольык пыд, гольык йыр лыктэмъёс ӧжыт ӧй вал. Вӧсясьёс арлы быдэ калыклы таӵе янгышъёссэс тупатыны курыса вазисько ке но, соослэсь кылъёссэс кылыны уг тыршо. Соин, вылды соос туэ но, Инмарлы вазиськемзылэсь азьвыл, вӧсь ӝукез веръяны лыктэмъёсын вераськизы, вӧсьлэсь радлыксэ валэктӥзы. (Материалэн газетмылэн вуоно номерез пыр-почгес тодматоз).