Котырес лыдпусэз ортчытон сярысь вераськизы

Республикаысьтымы удмуртъёслэн огазеяськонзылэсь котырес лыдпуссэ шуркынмон толэзе ортчытыны чакламын. Тодады вайытӥськом, НКЦ 1996-тӥ арын гудырикошкошкон толэзе кылдэмын вал. Соин кивалтонэз Р. Б. Галямшинлы оскизы. «Куамын ар куспын огазеяськонэн, удмурт азьветлӥсьёсынымы трос уж быдэстэмын. Сое ваньзэ возьматыны быгатоно», - шуиз НКЦ-лэн Кенешеныз кивалтӥсь Р. Р. Галямшин. Котырес лыдпуслы сӥзем бадӟым ужрад Татышлы ёросысь Выль Татышлыысь Удмуртъёслэн лулчеберетъя центразы ортчоз. Нош солэсь азьвыл шуныт пумиськонъёс огазеяськонлэн котькуд филиалаз радъяськозы.

Нырысетӥез пумиськон Илиш ёросысь Ташкичиын 10-тӥ коньывуонэ луоз. «Ёросамы удмуртъёс трос ӧвӧл ке но, соос кылзэс но, сям-йылолъёссэс но утьыны тыршо. Нош «Ташкичиысь «Пинал сюлэмъёс» ансамбльмылы «калык» ним сётэмын», - вера филиалэн кивалтӥсь С. Шайдуллина.