«Ошмес» газетэз котькуд арня шумпотыса витё

Газетмылэн эшъёсыз Татышлы ёросысь Бигиней гуртын но ӧжыт ӧвӧл. Соос пӧлын - Агъяфаровъёслэн семьязы. Зайтуна Рахимовна но Радиф Арсланович кема аръёс ӵоже ни удмурт газетэз шумпотыса лыдӟо, солы котькуд ар гожтӥсько.
- Газет пыр пӧртэм ёросъёсын улӥсь удмурт калыклэн улон-вылонэныз, уженыз, вормонъёсыныз тодматскиськом, - верало кузпалъёс. Зайтуна Рахимовна нунокъёсызлы но удмурт кылэз гажан мылкыд пыӵатыны тырше. Соос анай кылзэс медаз вунэтэ, удмурт кылын мед вераськозы шуыса сюлмаське. «Дорамы бертыкузы пичизэ внучкамес но газетэз лыдӟыны куриськом, - верало кузпалъёс. – Газетэз шумпотыса лыдӟиськом. Мукетъёслы но солы гожтӥськыны ӵектӥськом. Кин ке, телевизор учкыса акыльтӥз ке, телефон борды кутӥське, нош ми - газет-журналъёс борды. «Ошмес» сяна, ми «Татышлинский вестник» ёрос газетэз, «1000 советов» журналэз лыдӟыны яратӥськом. Газет вуиз ке, ужмес кельтыса, нырысь соосты лыдӟыса потӥськом». 

(Быдэс материалэз газетлэн 37-тӥ номерысьтыз лыдӟыны быгатоды).