Сюлэмзэ кырӟаса буйгатэ

Ньыль ар куспын адями котьмалы дыше. Нош анай сюлэм пизэ ожысь возьманы – ноку уг. Бер ӝыт-а, вазь ӵукна-а – солэн малпанэз котьку отын, палэнын, пиез вӧзын. Куддыр сюлэмыз пилиськымон вӧсь луэ. «Пие улэп, тушмон уз вормы сое!» - буйгатэ со ассэ таӵе вакытэ.

Татышлы ёросысь Вязовкаысь Фрида Марданова уг ни тоды, дыр,ку со берлозэ чус-чус кӧлӥз. 2022-тӥ арын солэн Антон но Алик пиосызлы частичной мобилизацие повестка вуиз. Анай сюлэм соку ваньзэ пыр-поч валаса ӧз вутты ке но, шӧдӥз, кыкез пиосыз тушмон пумитэ султыны быгатозы шуыса. Антонэз кельтӥзы. Нош Аликез 28-тӥ куарусёнэ Татышлы ёросысь пиосын ӵош нимысьтыз военной операцие келязы. Соку нокин ӧз малпа, соослэн ожгар сюрессы сокем кузь луоз шуыса. Нош пизэ возьмась анай понна ньыль ар кык-куинь пол солэсь кема кыстӥське ни. Алик – связист. Та вакытэ со «пинал» связисьёсты дасян бордын тырше. Угось татын ачиз ваньзэ адӟиз ни, троссэ пыр-поч тодэ. Фрида Анатольевна данъяськыса возьматэ пиезлэсь «Укрепление боевого содружества», «Храбрость, мужество, отвага», «Участнику специальной военной операции» медальёссэ. Нош берло соос борды ватсаськиз Жуковлэн медалез. Ожгарчиез данъян сярысь Президентлэн указэз 2025-тӥ арын Выль ар азьын потӥз.

(Кылемзэ газетмылэн 26-тӥ августэ потэм номерысьтыз лыдӟе)

Автор:Оля Нигаматуллина

Читайте нас

Партнеры