Горд сюйлэсь пӧртэм арбериос кылдыто

Татын нылпиос мылысь-кыдысь тыршо. Мукет ӧръёсын ӵошатоно ке, горд сюен ужаны тужгес трос пиналъёс мылкыд каризы. Ми вуылон нуналэ (30-тӥ пӧсьтолэзе) соослэн ужъёссы адӟытон дасямон люкаськемын ни вал. Соос пӧлысь котькудӥз инкуазен герӟаськемын. Елена Фанизовна шумпотыса возьматэ нылпиослэсь лэсьтэм тусьтызэс, со вылэ куар выллем чебер пужыос интыяськиллям. Нош мукет арбери лызгырлы сяськалы тупа. Ужъёс пӧлысь ву шапыкез пумитаны луэ. Куамынэтӥ пӧсьтолэзе соос ӵушъял лэсьтыны кутскизы. Со нырысетӥ нуналъёсы лэсьтэм ужъёссэс огазеям выллем луэ. «Нылпиосты пӧртэм киужъёслы дышетэм потэ, - вера Елена Фанизовна. – Ӧрмы горд сюен ужанлы ке но сӥземын, берло нуналъёсы гипсэн но, сылало ыльнянен но лэсьтӥськыса адӟем потэ. Малпанме быдэстыны вутском шуыса малпасько». Со сяна, соос вань лэсьтэм ужъёссэс буяны но вутскозы на.