Лагерьын шутэтскись нылпиослы ӟеч мылкыд сӥзизы

Шуныт кылъёссэс веразы Татышлы ёрос администрациен кивалтӥсь Д. А. Султанов, ёросысь дышетонъя ёзэтэн кивалтӥсьлэсь ужзэ быдэсъясь Д. Г. Афризонов. Чылкак соослэн сюлмаськемнызы туэ «Усточикар» лагерь усьтӥськиз. Пусйыны кулэ, Дмитрий Геннадиевич лагерьлэсь шӧмзэ ӟеч тодэ. Уго туэ лагерен кивалтӥсен Л.Л. Зидымаковен ӵош со 2003-тӥ арын отын ужаз. Бӧрысь со «Усточикаре» ньыль пол вуылӥз на. Со сярысь шуныт малпанъёсыз али ке но сюлэмзэ шунто на.Нылпиослы ӟеч мылкыд сӥзизы на БР-ысь удмуртъёслэн НКЦ-енызы кивалтӥсь Э. Б. Рахимзянов но мукетъёс.

Туэ лагерьын шутэтскись нылпиос кык отрядлы люкиськизы: нырысетӥез – лобась бубылиос, кыкетӥез -  нянь колдыос. Пиналъёслэн лагере вуэмзы дырысен туж вакчи дыр ке но ортчемын, сцена вылысен соос асьсэды яркыт возьматыны быгатӥзы. Шӧдӥське, лагере зэмос усточиос вуэмын шуыса. Нош вожатойёссы, ӧнерчиоссы макем устоесь! Сосс кырӟало но, эктыны но пӧрмыто. Нылпиосын 21 нунал ӵоже вожатойёс Рузанна Мугалимова, Ангелина Зидымакова, Аделина Шайхлисламова, ӧнерчиос Ирина Шайхлисламова («Эстрада»), Елена Ахиярова (Год сюй»), Артём Байситов («Военно-патриотической»), Есения Миннегалиева («Суредаськон»).