+22 °С
Облачно
Общество
18 Июня , 07:25
Пичиысен кыдаса будӥз, шудо улонмы понна тыршиз
Быдӟым Атыкай ож вакытэ будэм нылпиослэн лыдзы арысь аре ӧжытгес кыле. Соослэсь шудо улонмы понна тыршемзэс номаин уд мерта. Уго ож вакытэ будэм нылпиос пичи дырзэс ӧз тодэ. Соос кужымзэс, трос дыръя улонзэс жалятэк, вормон понна тыршизы, уй но нунал ужазы.
Пичиысен кыдаса будӥз, шудо улонмы понна тыршиз
Пермь шаерысь Куеда округысь Гожанын вордӥськыса будэм Мастра Нурисламовалы но пичиысен ужаса будоно, трос шуг-секытъёс пыр потоно луиз. Ож кутскыку солы дас арес гинэ тырмемын вал. «Семьяямы ми ньыль нылпи будӥм. Апае, Маркия, тракторен ужаз. Атаймы интые со милемыз сюдыны сюл-
маськиз. Мон бере Валентина дыдые но Геннадий выны будӥзы на. Соос кыкто вордӥськизы. Дыдые Гожанын улэ. Солы 86 арес тырмиз, кырӟаны яратэ.
Геннадий выны кызь одӥг аресаз улонысь кошкиз», - будэм дырзэ тодаз вайыса вера 96 аресаз вамышъясь Мастра Кунакбаевна. Нош пинал дыръяз ужамъёссэ со часэн-часэн вераны дась.
(Быдэс материалэз газетлэн 2026-тӥ арысь 24 номерысьтыз лыдӟыны быгатоды).
