Семьяос бордын калыкмылэн но анай кылмылэн азинсконэз

Калтасы ёросысь Чиндэр гуртысь Алиса но Илья Арслановъёс ог-огзэс ӝыт шудонъёсысь ӧз утчалэ. Яратон соос доры чашкаен чай сьӧры лыктӥз.

 - Ильяен бускельёс луыса улӥм. Со мынэсьтым дас ареслы бадӟым ке но, котьку сое эшме кадь адӟисько вал. Огпол ошмесысь ву вайыкум, бускеле выль вуэныд чай юыны пыро шуыса вазиськиз. Пыры шуыса гинэ шораз серекъяй. Соку со ӧз пӧяськы, зэмзэ но чай юыны вуиз, - пальпотыса ортчемзэ тодаз вае Алиса.

Со нуналысен Алиса мукет синмын учкиз бускелез шоры. Егит ныллэн пичи пиеныз но эшъёс выллем луизы, ог-огзылы кыдёкысен шумпотыса вазиськизы. Оло лякыт сямыныз, оло пиеныз огкыл шедьтэменыз Илья Алисалэсь сюлэмзэ пыраклы лушказ. Со арын ик егитъёс семья кылдытӥзы.

Венера Ильбаева.

(Арслановъёслэн семьязы сярысь лыдӟе газетмылэн вуоно номерысьтыз).